HOXE TOCA...FACER AS LETRAS

Igual que os carpinteiros preparan a madeira, nós preparamos cartón. Faremos táboas nas que logo marcaremos as letras e recortaremos.

 
Isto xa vai collendo forma...

ESCOLLEMOS NOME PARA A NOSA CARPINTARÍA

Xa case temos as ferramentas rematadas e aínda non sabemos como chamarlle á nosa carpintaría. É necesario facer outra chuvia de ideas e aportar un nome orixinal. Logo faremos unha primeira votación para saber cales son os máis votados, e nunha segunda votación escolleremos o definitivo.

O nome seleccionado foi...

CARPINTARÍA

O MUNDO DA MADEIRA

Grazas Gabriela pola túa aportación.

 

Para traballar necesitamos...FERRAMENTAS!

 

 

 

Desta vez toca coñecer vocabulario. Cada un de nós seleccionou unha tarxeta que contiña o nome dunha ferramenta de carpinteiro. Buscamos o seu significado no dicionario e unha imaxe para facernos unha idea da súa utilidade. Logo debuxamos a ferramenta nun folio, para recortala e poder facer entre todos un panel de ferramentas para a nosa carpintaría. 

ORGANIZANDO AS NOSAS IDEAS

Logo de compartir as nosas ideas, en grupos de catro fómolas organizando para averiguar ata onde chegaban os nosos coñecementos. Vede e escoitade:

ARRANCAMOS: Chuvia de ideas

 

 

Que sabemos sobre a carpintaría? Non tiñamos moi claro que contestar, sen embargo, a través dunha chuvia de ideas fomos aportando pinceladas sobre ese oficio que resumimos así: