Que carpintexas?

domingo, 15 de marzo de 2020

TRABALLO A PARTIR DO 16 DE MARZO

Estas dúas semanas traballaremos desde a casa. Neste espazo atoparás tarefas que che servirán para repasar e non perder o fío do aprendido. Moito ánimo e imos alá!

-Hora de ler. 16/03/20
-Lengua Castellana. 16/03/20
-Lingua Galega. 16/03/20
-Hora de ler. 17/03/20
-Lingua Galega. 17/03/20
-Matemáticas. Do 17 ao 27 de marzo.
-Ciencias Sociais e Naturais. Do 17 ao 27 de marzo.
-Hora de ler. 18/03/20
-Lengua Castellana. 18/03/20
-Reforzo. 18/03/20

Querido alumnado:

Vexo que estades tomando moi en serio as tarefas que vos estamos propoñendo. Seguide así, ides por bo camiño.

Como o 19 de marzo é festivo, e o 20 é día non lectivo solicitado polo Consello Escolar e aprobado pola Xefatura Territorial, imos facer un pequeno descanso e o luns 23 reanudaremos o traballo. Moito ánimo!

-Hora de ler. 23/03/20
-Lengua Castellana. 23/03/20
-Lingua Galega. 23/03/20
-Hora de ler. 24/03/20
-Lingua Galega. 24/03/20
-Hora de ler. 25/03/20
-Lengua Castellana. 25/03/20
-Reforzo. 25/03/20
-Hora de ler. 26/03/20
-Lengua Castellana. 26/03/20
-Lingua Galega. 26/03/20
-Hora de ler. 27/03/20
-Plástica. 27/03/20

Comezamos outra semaniña na que debemos quedar na casa. Non vos desanimedes, desta situación tan complexa e inusual tamén podemos sacar algo positivo: aprendemos a ser solidarios, precavidos e responsables.

Begoña e eu continuaremos deixando traballo neste blog para que poidades reforzar contidos e ir adquirindo algún novo. Non deixedes de mandarnos as tarefas para correxir, e consultádenos as dúbidas que teñades. Lembrade que, aínda que non estamos presencialmente, seguimos detrás do correo electrónico para axudarvos no que necesitedes.

Unha aperta forte para todos e todas.

-Matemáticas/Sociais/Naturais. Do 30/03 ao 10/04
-Hora de ler. 30/03/20
-Lengua Castellana. 30/03/20
-Lingua Galega. 30/03/20
-Hora de ler. 31/03/20
-Lingua Galega. 31/03/20
-Hora de ler. 1/04/20
-Lengua Castellana. 1/04/20
-Reforzo. 1/04/20
-Hora de ler. 2/04/20
-Lengua Castellana. 2/04/20
-Lingua Galega. 2/04/20
-Hora de ler. 3/04/20
-Plástica. 3/04/20

lunes, 24 de febrero de 2020

ENTROIDO

Imos de entroido. A nosa comparsa xa está preparada. Os carpinteiros de 6º EP ímoslle botar unhas coplas. Escoita...

VISITA DUN CARPINTEIRO

As portas da nosa carpintaría "O mundo da madeira" abríronse para recibir a Gerardo, un ex-alumno deste colexio que hoxe volveu como carpinteiro.

Gerardo explicounos moitas cousas:

Como antigamente o oficio se desenvolvía no ámbito familiar transmitindo os coñecementos de pais a fillos e a súa evolución ata a actualidade, na que é preciso cursar ciclos medios ou superiores de FP para obter a titulación de Técnico en carpintería e moble, en instalación e amoblamento ou en deseño en carpintaría.

Falounos tamén sobre os tipos de madeira e as súas propiedades, dos materiais e produtos que utilizan para tratalas (lacados, barnices, pinturas, tintes...), e ata nos explicou algunha técnica para diferenciar a madeira cando se lle aplicou tinte (pola veta, pola viruta...)

Da súa caixa de madeira comezaron a saír ferramentas. Algunhas xa as coñecíamos, porque fixéramos un panel con elas: cepillo, lima, metro, escuadra, falsa escuadra, bocel...

Contounos que na carpintaría onde el traballa, as madeiras que máis utilizan son a de piñeiro e eucalipto. Sen embargo elaboran moitos mobles con taboleiro (aglomerado, contrachapado...). Tamén aprendemos que a madeira cómprase por metro cúbico.

Logo de facerlle varias preguntas sobre o tipo de traballos que realizaba (cociñas, armarios, tarimas...), tamén nos comentou que fóra do seu horario laboral facía deseños de obxectos para experimentar coa madeira, máis como afección que como traballo. Así elaborou portamóbiles con forma de animal, figuras talladas policromadas, unha colección de machadas...

Curuxa policromada

Machada de dobre fío

Machada vikinga

Portamóbil con forma de can


Busto de Anubis policromado

Grazas, Gerardo, polo teu tempo e adicación. Agora xa sabemos algo máis sobre o oficio da carpintaría.

DECORACIÓN PARA O ENTROIDO

En breve celebraremos o entroido, e precisamos facer as letras que decorarán o ximnasio para anunciar o evento. Para encher as letras, cada curso debuxará ferramentas ou materiais relacionados co seu oficio. Aquí estamos os de 6º EP cos nosos aparellos de carpinteiros.

PREPARANDO O DÍA DE ROSALÍA

"Adios ríos, adios fontes...", este foi o poema de Rosalía de Castro que escolleu o equipo de biblioteca e de dinamización da lingua para celebrar o día de Rosalía. De momento, comezamos ilustrando algunhas estrofas.

DÍA DA PAZ

Para celebrar este día, comezamos a traballar con antelación. Na clase fixemos varios pictogramas para ilustrar a canción "Una marea de xente e oficios":

O 30 de xaneiro reunímonos todos no ximnasio para celebrar o día da Paz. Se premes aquí podes acceder á entrada que está na web do colexio.

Ó final, inmortalizámonos nesta fotografía:

CREANDO GRAFFITIS

En plástica estamos traballando a técnica do graffiti. Primeiro, por grupos, seleccionamos unha palabra que teña relación co oficio da carpintaría e, logo de ver algún vídeo e escoitar as explicacións da mestra, distribuiremos o espazo, faremos un borrador a lapis, repasaremos de rotulador, colorearemos e... xa veremos cal é o resultado!